Durante este primeiro bloque do
Posgrado traballamos unha serie de conceptos e de terminoloxías que nos axudan adentrarnos
máis no mundo da orientación laboral e o que todo isto conleva. Conceptos que debemos coñecer e saber manexar
no noso labor como orientadoras/es laborais.
Falouse das políticas de emprego vixentes tanto a nivel
estatal como europeo, políticas que inciden nos plans e programas que se levan
a cabo a distintos niveis. Nesta clase tamén se trataron as políticas activas e pasivas.
O mercado laboral :
traballamos a situación do paro actual, a crise, unha crise global e económica que afecta a
todos.
Falouse da estrutura do SEPE que
xunto cos Servizos Públicos de Emprego das diferentes comunidades autonómicas
forman a Sistema Nacional de emprego.
Páxinas webs de gran utilidade
para poder estar ó día na medida do posible dos últimos recursos (datas de
oposición, cursos formativos e obradoiros, ofertas de emprego e procesos de selección..
etc) recursos útiles tanto para nós como para proporcionarllos ós nosos
usuarios.
Tamén fixemos un percorrido neste
primeiro módulo da formación profesional, no cal traballamos cousas como as competencias
profesionais e os certificados de profesionalidade.
Por último tratamos o tema do emprendimento.
Do cal levo algunha que outra idea clara, antes de emprender é preciso examinar
con determinación a viabilidade do proxecto, plantexar os pros e os contras do
traballo por conta propia.
Considero que o coñecemento destes
conceptos e terminoloxías son
fundamentais para o noso traballo diario e para a busca dun obxectivo
primordial e fundamental que é o de dar un mellor servizo ós nosos demandantes
para axudalos e orientalos para
conseguir os seus propios obxectivos e metas, obxectivos diferentes e diversos
xa que cada demandante ten os seus, para algúns pode ser mellorar a súa formación,
para outros emprender nun novo negocio o autoempreo e para outros mellorar a súa empregabilidade e conseguir a
inserción laboral.
Se partimos da base de que o
emprego ademáis do incentivo económico é unha fonte de motivación intrínseca que
nos axuda a autorrealizarnos e a manter a nosa autoestima alta. Debido a que
adicamos un terzo da nosa vida adulta ó traballo, por iso é importante que este
forme parte do noso proxecto de vida.
O obxectivo profesional é
fundamental traballalo ben co demandante xa que é a toma de decisión en canto a
profesión, según F. Parson sinala 3 puntos fundamentais:
1. A compresión de si mesmo, as súas aptitudes, habilidades, intereses, ambicións, recursos, limitacións e causas.
2. O coñecemento dos requisitos e
condición de éxito, ventaxe e desventaxe,
compensacións, oportunidades e
perspectivas laborais.
3. As relación entre ambos
Do autoanálise das nosas capacidades e do coñecemento do
mercado laboral podemos facer unha aproximación acertada do noso obxectivo
profesional.
Como orientadora laboral de persoas
con discapacidade considero que estes tres puntos son fundamentais para coñecer
mellor o demandante que ven ao servizo solicitando algún tipo de axuda.
Penso que cada persoa é un mundo
e a atención a cada demandante debe ser individualizada e ante todo
personalizada xa que non é o mesmo tratar cunha persoa cunha discapacidade
intelectual que con unha con
discapacidade física.
A min persoalmente este primeiro
módulo pareceume interesante, serviume para refrescar conceptos que xa coñecía e para aprender recursos ou
máis ben aprender onde podo atopar certos recursos, certa información e
ferramentas que lle podo proporcionar ós meus demandantes.
Imos a ver que nos depara o
segundo módulo ;)
Bibliografía:
-
- Temario do módulo 1, Posgrao de especialización
en orientación laboral. 2014.
-
- Ocupaciones con tendencia positiva en la
contratación. Enero 2012, observatorio de las ocupaciones del servicio público
de empleo estatal.
Escollemos nesta primeira relflexión grupal a ponencia de Elena González de la Cámara Cayuela sobre “A estrutura da Formación Profesional e os Certificados de Profesionalidade”, e en concreto a obtención dos Certificados de Profesionalidade, porque estase a converter nestes últimos tempos nun dos temas que máis preguntas e aclaracións demanda nos nosos servizos de orientación laboral, posiblemente pola información que nalgúns casos de forma errónea ou confusa se facilita desde múltiples fontes.
