Experimentando con Tagxedo

A imaxe que escollín como podedes observar é unha especie de nube, nube que neste caso representa ao meu cerebro, no cal vou almacenado e rexistrando cada día o aprendido no curso.

Os meus intereses para realizar o Posgrao de Especialización en Orientación Laboral baséanse nunha palabra clave que é “aprendizaxe”, aprender adquirindo novos coñecementos no eido da orientación laboral, coñecer recursos útiles, ferramentas e aplicacións informáticas que poida empregar no meu traballo diario.

Considero que unha forma moi útil de levar a cabo esta aprendizaxe  é traballar  en equipo para aprender dos meus compañeiros/as, intercambiar ideas e, sobre todo, mellorar as miñas competencias e capacidades profesionais. En definitiva, poder prestar un mellor servizo aos meus demandantes.