Reflexión Individual Módulo 3: Marco Instrumental
Intentando facer un percorrido polos
temas tratados no último módulo do Curso de Posgrao de Especialización en
Orientación Laboral e comezando polo publicado no
Plan Nacional de Acción para o Emprego, onde se consolida a atención individualizada como a máis adecuada para desenvolver a
Orientación Profesional.
E partindo de que o técnico de
orientación ten que " acompañar e asesorar ao usuario cara a un fin
determinado", falamos de orientación laboral referida a un proceso de asesoramento personalizado na
definición do obxectivo profesional
de cada participante e de cales son os pasos a
seguir para a súa consecución, baseados nos principios de: INDIVIDUALIZACIÓN,
FLEXIBILIDADE E DESENVOLVEMENTO DA AUTONOMÍA.
Os cambios no mercado de traballo son rotundos e
aparentemente irreversibles polo que as necesidades de asesoramento fan que se
produza un cambio
conceptual da orientación laboral, deixando de ser unha serie de accións puntuais, e
pasando a ser un proceso organizado, planificado e
personalizado realizando accións de orientación profesional para o emprego e
asistencia para o autoemprego articuladas en itinerarios personalizados de inserción (IPIS), e dirixidas a
mellorar as posibilidades de ocupación das persoas demandantes de emprego, a
través dun proceso
de construcción de actividades secuenciadas que as persoas atendidas deben percorrer co fin de facilitarlles
recursos que xustifiquen con autonomía o seu propio proceso de inserción
laboral,
MOTIVAR para que se CUALIFIQUEN e melloren a través dunha
cualificación profesional dándolle pautas de: ónde acudir, de cómo presentar un
currículo vitae, de cómo plantexar unha entrevista de traballo, de valorar a
oferta de formación, de cómo informarse de ofertas de emprego, e
INNOVAR: tratando de dar novas
alternativas que os demandantes poidan elixir (necesidades, servizos, etc).
E en consonancia co
disposto na Estratexia Española de Emprego 2012-2014, as funcións do persoal técnico de información, orientación e
prospección de emprego, son:
todas aquelas actuacións
e medidas de información, acompañamento, motivación e asesoramento que, tendo
en conta as circunstancias persoais e profesionais da persoa beneficiaria, lle
permitan determinar as súas capacidades e intereses e xestionar a súa
traxectoria individual de aprendizaxe, a busca de emprego por conta allea ou a
posta en práctica de iniciativas empresariais.
En
concreto:
a) A elaboración de
diagnoses individualizadas sobre o perfil, as necesidades e as expectativas das
persoas demandantes de emprego mediante entrevistas personalizadas, para
poderen encontrar ou manter un emprego ou accederen a un novo.
b) A información
sobre o mercado de traballo e os incentivos e medios dispoñibles para o fomento
da contratación e o apoio ás iniciativas emprendedoras.
c) O deseño,
elaboración e realización de itinerarios
individuais e personalizados de emprego ás persoas desempregadas a través
de información e orientación profesional para o emprego e o autoemprego, para a
mellora da súa cualificación profesional e da súa empregabilidade.
e) A información e
orientación sobre o proceso de
recoñecemento das competencias adquiridas pola experiencia laboral para as
persoas demandantes de emprego mediante a acreditación oficial da súa
cualificación a través de certificados de profesionalidade.
f) A información e
o asesoramento ás persoas demandantes de
emprego sobre a oferta de accións de formación profesional para o emprego,
con acreditación oficial a través do Repertorio de certificados de
profesionalidade cando estean vinculadas ao Catálogo nacional de
cualificacións, así como dos títulos de formación profesional.
O
concepto de itinerario aparece como resposta ás dificultades para a inserción
sociolaboral das persoas e colectivos en exclusión e en risco de exclusión. É
unha metodoloxía de traballo que se basea na individualización, o acompañamento
e a axuda e o compromiso das partes.
O auténtico proceso de orientación iníciase coa entrevista persoal.
Hai que ter en conta que unha das claves da
nosa metodoloxía é a personalización da intervención, o que á súa vez require
un alto grao de coñecemento das características persoais e as competencias
profesionais de cada participante. Por iso, ao longo da entrevista,
a persoa que exerce a función orientadora tratará de indagar, non só sobre as
cuestións estritamente académicas ou laborais, senón sobre todos aqueles
aspectos que forman parte do currículo oculto da persoa e que permitirán
valorar cal é o seu punto de partida e o seu nivel de empregabilidade.
Establecemento do obxectivo profesional
Durante esta fase, haberá que afondar tanto na análise das
competencias persoais e profesionais de cada participante, coma no coñecemento
do mercado de traballo e das oportunidades de inserción que nos ofrece. A
partir desta dobre reflexión, a persoa poderá chegar a establecer cales son os
seus obxectivos profesionais, a curto, medio e longo prazo.
Elaboración do proxecto persoal
É
fundamental que a persoa interiorice cal é o seu proxecto persoal, que o
considere algo seu e non imposto polo orientador/a. O proxecto persoal de cada
usuario deberá ir encamiñado a superar as súas propias debilidades e, polo
tanto, deberá incluír, sempre que se considere necesario, a súa participación
nas correspondentes actividades de formación prelaboral e de capacitación
profesional.
Unha boa planificación aforrará esforzo e fará máis eficaz a busca de emprego.
CONCLUSIÓNS
Unha boa planificación aforrará esforzo e fará máis eficaz a busca de emprego.
CONCLUSIÓNS
A
orientación non é un conxunto de accións illadas dentro dun itinerario de
inserción, senón que é un proceso coherente que encamiña á persoa cara á
consecución da súa integración social e laboral.
O diagnóstico inicial é unha peza clave para articular o proceso de orientación en función do perfil de empregabilidade da persoa.
Non debemos esquecer nunca de que se trata dun proceso personalizado, único e diferente para cada participante, en función das súas necesidades e expectativas.
O
establecemento do obxectivo profesional
da persoa é imprescindible para poder elaborar o seu itinerario de inserción.
Para apoiar o desenvolvemento autónomo da persoa é necesario que coñeza e utilice correctamente as principais técnicas e ferramentas de procura de emprego e que sexa capaz de organizar e xestionar con eficacia o tempo dispoñible para a busca.
Mediante a presente proposta
ofertase dotar a cada un dos usuarios da
capacidade para:
- Facilitar o coñecemento sobre técnicas de búsqueda de emprego e posta en
práctica de ditas técnicas. (Cómo canalizar as ofertas de emprego, cómo
ofrecerse a unha empresa: autocandidatura, cómo facer unha carta de
presentación, cómo facer un CV e diferenciar os distintos tipos, videocurrículum,
cv creativo, cv 2.0; networking, búsqueda de emprego por Internet: portais,
bolsas de emprego,redes sociais, etc...).
- Prestar asesoramento para a posta en marcha de accións de autoemprego.
Recursos (IGAPE, Rede Eusumo, Oficinas do Empregador, …)
- Promover a igualdade de oportunidades, favorecendo a ruptura de lóxicas
discriminatorias.
- Despertar interés pola indagación, por resolver problemas,
por descubrir cousas novas, por crear, por aprender.
- Estimular certo “ánimo responsable” por asumir riscos, pero
coa capacidade de medir as posibilidades reais e asumir as consecuencias que se
deriven.
- Estimular o afán de superación persoal.
- Fomentar “intereses de negocio”, especialmente en
aquelas áreas consideradas como “novos xacementos de emprego”.
A partir disto traballaríamos co emprendedor que quere iniciar unha actividade
empresarial e non coñece o proceso de posta en marcha, explicando as distintas
fases do proceso, en que consisten, onde se realizan, en que momento e que
implicacións teñen. Facento posible que o emprendedor teña un mapa claro de
todos e cada un dos procesos, o que facilitará a elaboración das tarefas que
cómpre realizar para elaborar o PLAN de
EMPRESA.
No hay comentarios:
Publicar un comentario